Nunat avannarliit Stockholmimi

Nunat avannarliit siunnersuisoqatigiiffiat Nordisk Rådip ukiumoortumik Stocholmimi ataatsimiilernera nalunaaquttap akunneri pingasut qaangiupput aallartimmat ministerit 50-it missaanniittut politikerillu allat 100-t missaanniittut peqataallutik aamma namminersornerusuneersut Baltikumimeersullu. Nunatsinnit aallartitat pisortaraat inatsisartut siulittaasuat, Jonathan Motzfeldt, pingaartumik Vestnordenimi  Kalaallit Nunaata Islandimik Savalimmiunillu suleqateqarnerata suli piorsaaffiginissaa soqutiginartunut ilaalluni. Ataatsimiinneq ammangajalivissoq Jonathan Motzfeldt.

Oqarpoq nunat avannarliit killiit Islandip Savalimmiullu suleqatigiinnerata sakkortusarnissaa pillugu aqagu marlunngornermi saqqummiussinissaq pissangallutik utaqqigitsik ulloqeqqatalu siorna tassunga tunngasut oqaloqatigissutigereerlugit ataatsimeersuarnerup ammarnissaanut iseriartulerlutik Inatsisartut siulittaasuat, Jonathan Motzfeldt Stockolmimi svenskit kunngiannut, Carl Gustavimut ulloqeqqasioqataaqqammerluni nunallu aggersitaasa pisortaat tassa aqissitoqatigereerlugit taama oqaluttuarpoq.

Nunat avannarliit ukiumoortumik 56-sissaanik ataatsimiilerput, kisianni ukiut 56-it matuma siorna ataatsimmeeqqaarnerminnit Skandiaviuunngitsunik aatsaat taama amerlatigisunik ataatsimeeqateqassallutillu qaaqqusaqartigunarlutik nunat namminersornerusut ilaasortamik aallartitaasa saniatigut Baltikumimeersut ilami russit nunanut avannarlernut soqutiginnittuinut allaat qaaqquneqarsimallutik. Oqaluuserisassat pingaarnerit ilagaat nunat peqataasut eqaannerusumik suleqatigiinnissaat EU-mullu ilaasortaanermut tunngasut.

Jonathan Motzfeldtip angalaqatigai naalakkersuisut siulittaasuata tullia, Josef Motzfeldt, naalakkersuisullu Jens Napaattooq Henriette Rasmussenili inatsisartunullu ilaasortat arlallit soorunalumi atorfilittatik.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat