Nunani Avannarlerni Ministerit Siunnersuisoqatigiiffiata siunissami periusissaa akuersissutigaat.

Kim Kielsen Nunat avannarliit siuttuullutik iliuuseqartarnissaat pingaaruteqarpoqq

Nunat Avannarliit ministeriuneri tallimaasut kiisalu Savalimmiuni, Kalaallit Nunaanni Ålandimilu naalakkersuisut siulittaasui nunat avannarliit ukiumoortumik aasaanerani Islandimi Reykjavikimi 20. august ataatsimeeqatigiipput. Naalakkersuisut siulittaasuat Kim Kielsen peqataavoq

- Ataatsimiinnermi peqataaneq nunanilu avannarlerni suleqatit naapinnissaat pingaaruteqarpoq, taamaasiornikkummi nunanik avannarlernik suleqateqarneq, Kalaallit Nunaata nunanut allanut politikkiani qitiulluinnartoq,  Naalakkersuisut siullittaasuat oqarpoq, erseqqissaatigalugulu, silaannaap allanngoriartornerata allannguutigisartagai pillugit nunani avannarlerni  ataatsimoorluni iliuuseqarnissaq pisariaqartinneqartoq.

Nunani avannarlerni ministeriunerit aammalu nunat namminersortut pingasuusut pisortaasa Nunani Avannarlerni Ministerit Siunnersuisoqatigiiffiata siunissami periusissaa periarfissaq atorlugu akuersissutigaat, Naalakkersuisut Siulittaasuat taama nalunaarpoq.

 Naalakkersuisut siulittaasuatut silap allanngoriartornerata kingunerisaanik annertuumik unammilligassaqarnerput isumaqatigaara, isumaqarlungalu silap pissusaanut tunngatillugu nunat avannarliit siuttuullutik iliuuseqartarnissaat pingaaruteqartoq. - Tamanna nunarsuup sinneranut takutitsineruvoq malitassaqqissoq Kim Kielsen oqarpoq.

Islandimut ikeraarnermi suliffeqarfiit nukissiutinut tunngasunik suliaqartut kiisalu illoqarfinnut aalisarnermullu tunngasunut nukissiuteqartitsinermi piujuartitsinissamut ineriartortitsisut pulaarneqarput

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat