Islandimiu Sigurður Ólafsson Inga Dóra Markussen taarserlugu nunat avannarliit siunnersuisoqatigiivini generalsekretærinngussaaq. Inga Dóra Markussenip atuuffini ukiuni sisamani atuuffigereerlugu periarfissanik nutaanik misiliiniarluni ukiaq nalunaarutigaa.
Tamatuma kingorna nunat avannarliit siunnersuisoqatigiivi generalsekretærissamik nutaamik ujaasilerput, qinnuteqartullu amigaataasimanngitsut, siunnersuisoqatigiit nittartakkaminni allapput.
Suliffimmut 27-t qinnuteqarput, Sigurður Ólafssonili toqqarneqarpoq. Taanna nunat avannarliit illuanni Reyklavikkimiittumi pilersaarusianik aqutsisuusimavoq, atuuffimminilu nunat avannarliit siunnersuisoqatigiivisa allattoqarfii qassiit aqussimallugit.
Sigurdur Ólafsson nunat tamalaat akornanni ineriartornermi mastereqarpoq, Lunds Universitetimiit pilersaarusianik aqutsinermik ilinniagaqarpoq, Uppsala Universitetimiillu nunat assigiinngitsut akornannut tunngasunut magisteriulluni. Taanna maajip aallaqqaataat aallarnerfigalugu atorfimmi aallartissaaq.
