Nunat Avannarliit Siunnersuisoqatigiivi ataatsimeersuarput

Kalaallit Nunaata CO2-mik aniatitsinerusariaqarnerata pingaaruteqassusia Kuupik Kleistip, Nunat Avannarliit Siunnersuisoqatigiivisa ataatsimeersuarneranni oqalugiarnermini ilaatigut erseqqissaatigaa.

- Issittoq tassaannaanngilaq sermeq, nannut sermersuullu uukkartartui. Aamma inuit najugaqarfigaat, Naaalakkersuisut siulittaasuat Kuupik Kleist oqalugiarnermini ilaatigut oqarpoq.

Kalaallit Nunaata ineriartortinneqartuarnissaata pingaaruteqassusaa, Kuupik Kleistip oqalugiarnermini erseqqissaatigaa.

- Gassinik aniatitsineq annertooq aniatitsinermit minnerusumit millisissallugu ajornannginneruvoq. Taamaattumik neriuppunga, nunat ineriartortut, suliffissuarnik nutaanik pilersitsinissaannut, naak aniatitsinerat annertuserialaaraluartoq silap pissusaa pillugu isumaqatigiissutissami inissaqartinneqassasut, Naalakkersuisut siulittaasuat Kuupik Kleist oqarpoq.

Atuakkiortunik, nipilersortartunik, filmiliortunik kiisalu pinngortitamut avatangiisinullu suliaqartunik pisortatigoortumik nersornaasiineq, Nunat Avannarliit Siunnersuisoqatigiivisa ataatsimiinneranni aamma pisussaavoq.

Silap pissusaata allanngoriartornera, inuusuttut akornanni suliffissaaleqineq kiisalu nunanut allanut tunngasutigut illersuinissakkullu naalakkersuinikkut ingerlatsinermik suleqatigiinnerup annertusarneqarnissaa oqallisigineqartussat ilagaat. Aamma Nunat Avannarliit siunnerusisoqatigiiffianni siulittaasup kingoraartissaa sisamanngorpat toqqarneqassaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat