Assi: Atlantic Music ApS

Nunat Avannarliit Siunnersuisoqatigiiffiat nersornaasiisoq

Nunat Avannarliit Siunnersuisoqatigiiffiata nersornaasiuttagai persuarsiutigineqartumik Helsinkimi ullumi agguaanneqarput. Nersornaasiinermi nunatsineersunik toqqaasoqanngilaq.

Kalallit nipilersoqatigiit Nanookkut nersornaasiinissamut innersuunneqartut toqqarneqanngillat. Taamaattoq finskeq nersornaaserneqarpoq.

Filmimut nersornaasiuttakkamut filmi "Little Wing" finskinit suliarineqartoq nersornaaserneqarpoq. 

 

AAMMA ATUARUK Nipilersoqatigiit Nanook nersornaasigassatut innersuussutigineqartut

Nunat avannarliit siunnersuisooqatigiivisa nersornaasiuttagai assigiinngitsut tallimaapput. 

Tassa atuakkiamut, nipilersornermut, filmimut meeqqaanut inuusuttunullu atuakkiamut avatangiisinillu nersornaasiisoqartarluni.

Atuakkiornermi nersornaat qallunaamut atuakkiartumut Kirsten Thorupimut tunniunneqarpoq.
atuakkiaa "Erindring om kærligheden" nersornaaserneqarluni.

Avatangiisinut nersornaat Finlandimut aamma tunniunneqarpoq.
Meeqqanut inuusuttunullu atuakkialerinermi svenskeq atuakkiartoq nersornaaserneqarluni. Atuakkiaa taaguuneqarpoq: "Djur som ingen sett utom vi".

Nersornaasiinerit tamarmik 350.000 koruuninik aningaasartaqarput. 

AAMMA ATUARUK Nanook videoliaminnik nutaamik saqqummersitsisut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat