Nunat avannarliit nukissiuutinut mingutsitsinngitsunut aningaasaliipput
Nunarsuarmi aningaasarsiornikkut ajornartorsiorneq aallaavigalugu ataatsimiinneq nutaanik eqqarsalersitsivoq.
Avatangiisinik nukissiuutinillu ataavartunik atuisinnaanissamik aaqqiissutissat qulakkeerneqarnissaanik nunat avannarliit ministeriisa siunersuisoqatigiiffiat 400 millioner koruuninik aningaasaliissuteqarpoq.
Nunarsuarmiunngorsaaneq aningaasaatillu killeqanngitsumik allamut nuunneqarsinnaanerat nunarsuarmi aningaasarsiornikkut ajornartorsiortitsipput. Nunani avannarlerni avammut tuniniaanerit annikitsukkuutaartut nunarsuarmi aningaasarsiornikkut ingerlatsinermut unammillersinnaanerat annikippoq, Island-imi ministeriuneq Jòhanna Sigurdardóttir ippassaq ataatsimiinnermi oqarpoq,.
Amerikami Harvard universitet-imi aningaasarsiorneq pillugu proffessoreq Kenneth Rogoff Island-imi ministerit ataatsimiinneranni peqataasoq kajumissaaruteqarpoq, nunat avannarliit aningaasanik koruuninik aningaasaateqartut kattunnissaannik aningaasaataallu Euro tinneqassasoq.