Nunat Avannarliit Killiit Siunnersuisoqatigiiffiat nutaamik siulittaasoqalerpoq
Bill Justinussenip Islandimiu Unnur Bra Konradsdottur Nunat Avannarliit Killiit Siunnersuisoqatigiiffianni siulittaasutut taamaasilluni kingoraarpaa.
Nunat Avannarliit Killiit Siunnersuisoqatigiiffianni ilaasortat Nunatsinneersut, Islandimeersut Savalimmiuneersullu ukiumoortumik ataatsimiinnerminni marlunnik siunnersuusiorput, nunallu pineqartut inatsisartuini oqallisigineqarumaarlutik.
Siunnersuisoqatigiit umiarsuit ikuallassaammik aniatitsisarnerat killilersimaartikkusuppaat
Nunat Avannarliit Killiit Siunnersuisoqatigiiffianni ilaasortat Naalakkersuisunut ministerinulluunniit apeqquteqaateqarsinnaanissartik kissaatigaat, soorlu aamma umiarsuit ikuallassaammik aniatitsisarnerat killilersimaarneqartariaqartoq siunnersuutigigaat.
Nunatsinni inatsisartut, Savalimmiuni Lagtingi Islandimilu Altingi, Nunat Avannarliit Killiit Siunnersuisoqatigiiffiatigut suleqatigiipput. Nunatsinniit ilaasortaq Lars-Emil Johansen siulittaasup tulliatut inissisimavoq.
Nunat Avannarliit Killiit Siunnersuisoqatigiiffiat aappagu ukiut 30-nngortorsiussavaat.