Nunat Avannarliit killiit: Reykjavik-Narsarsuaq angusivoq

Allattoq Carla Davidsen
aggustip 22-at 2005 08:06

Nunat avannarliit killiit ataatsimiititaliaata 21-ssaanik ataatsimiinnissaa, ullumikkut Island-mi Isafjordur-mi aallartinneqarpat nunat 26-it peqataatitaqassapput.

Ataatsimiinnermi eqqartorneqartussanut ilaapput, nunat avannarliit killiit aalisarnermut isumaqatigiissutaat EU-lu, taassumalu saniatigut eqqartorneqartussanut ilaapput, nukissiuteqarnermut suleqatigiinneq, nunat avannarliit kultooreqarnerat , avatangiisit, peqqinneq, takornariaqarneq angallannerlu.

Nunat avannarliit killiit ataatsimiititaliaata kissaatiginartutut taakkartorsimasaanut ilaavoq Kalaallit Nunaata Islandillu akornanni timmisartuussisarnermut isumaqatigiissut aningaasanillu tapiissuteqartarneq. Isumaqatigiissutaareersoq ukiuni pingasuni atuuttussaq ukioq manna atorunnaartussaavoq, nutaamillu isumaqatigiissusiortoqarnissaa ataatsimiititaliamit kissaatiginartinneqarpoq.

Nunarput sinnerlugu ataatsimeersuarnermi aallartitaapput, Jonathan Motzfeldt, Agathe Fontain, Doris Jakobsen, Ellen Christoffersen aammalu Enos Lyberth.