Nunat Avannarliit Killiit Maniitsumi aappaagu ataatsimeersuassapput

Silaannaap allanngoriartornera imaluunniit takornariaqarnernermut ineriartortitsineq?

Aappaagu ataatsimeersuarnissami suna sammineqassanersoq ullumi eqqartorneqalerpat, apeqqut taanna Nunat Avannarliit Killiit aalajangiivigissavaat. Ataatsimeersuarneq Maniitsumi 2006-imi junimi ingerlanneqassaaq.

Kalaallit Nunarput Islandilu kisimik aalajangiisinnaatitaasuuppata, nunat Avannarliit Killiit Islandimi ataatsimeersuarneranni ulluni makkunani ataatsimeersuaqataasut isumaqarput, takornariaqarnerup ineriartortinneqarnissaa oqaluuserineqassasoq. Savalimmiuniilli peqataasut isumaqarlutik, silaannaap allanngoriartornera – Nunani Avannarlerni Killerni taakkunani pingasuni inuiaqatigiinnik tamanik eqquisoq – oqaluuserineqassasoq.

Ataatsimeersuarneq Nunani Avannarlerni Killerni Siunnersuisooqatigiinni siulittaasoqarfimmut pingaarnerpaanut ilaavoq. Oqaluuserineqartussaq akuersissutigineqarniariaraangat pilersaarusiorneq aallartittarpoq. Oqaluuserisassaq sunaassanersoq Siunnersuisooqatigiit ullumi aalajangiivigissavaat, ullumikkut ulloq tassaavoq ukiumoortumik ataatsimeersuarnermi ulloq kingulleq, Islandip avannamut’kitaatungaani illoqarfimmi Isafjordurimi ukioq’manna ingerlanneqartoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat