Nunat Avannarliit Killiit killeqarfiisa aporfeqartitsisarnerat qaangerneqartariaqarpoq
Tamanna Nunat Avannarliit Killiit Siunnersuisoqatigiivisa immikkut sammisaqarlutik ataatsimeersuarneranni angusat ilagaat. Ataatsimeersuarneq Savalimmiuni Sandoymi ingerlanneqarpoq, Nunatsinniillu peqataasut tassaapput Nunat Avannarliit Killiit Siunnersuisoqatigiivini siulittaasup tullia Lars Emil Johansen, Inatsisartunullu ilaasortat Anders Olsen aamma Evelyn Frederiksen Siumumeersut, Ane Hansen aamma Kalistat Lund IA-meersut kiisalu Atassutip siulittaasua Gerhardt Pedersen.
Nunat Avannarliit Killiit niuernikkut suleqatigiinnerisa nukittorsarneqarnissaata pingaaruteqarluinnarnera, tamatumalu nunanut pingasuusunut ilaqutaalluarsinnaassasoq Siunnersuisoqatigiit isumaqatigiissutigaat. Siunnersuisoqatigiit aamma isumaqarput tamatuma angunissaanut nunat pingasuusut nioqqutissat, kiffartuussinerit aningaasaliissutillu pillugit killeqanngitsumik niueqatigiinnissamik isumaqatigiissuteqartuuppata aammalu nunat akornanni killeqanngitsumik niueqatigiinnissamut aporfiusartut nalilersuiffigeqqinneqartariaqartut.