Nunat avannarlerni nipilersortarneq Katuami sammineqalerpoq

Sapaatip akunnerata uuma naanerani Nuummi Katuami nipilersortartut Islandimeersut, Savalimmiuneersut Nunatsinneersullu appisimaarniarput. Nipilersortoqarnissaa ulluni marlunni ingerlanneqassaaq, nipilersoqatigiillu assigiinngitsut arfinillit appisimaassallutik. Tallimanngorpat arfininngorpallu nalunaaqutaq unnukkut qulingiluaniit ataatsip qeqqata tungaanut nipilersortassapput.
oktobarip 10-at 2012 12:29

Sapaatip akunnerata uuma naanerani Nuummi Katuami nipilersortartut Islandimeersut, Savalimmiuneersut Nunatsinneersullu appisimaarniarput. Nipilersortoqarnissaa ulluni marlunni ingerlanneqassaaq, nipilersoqatigiillu assigiinngitsut arfinillit appisimaassallutik. Tallimanngorpat arfininngorpallu nalunaaqutaq unnukkut qulingiluaniit ataatsip qeqqata tungaanut nipilersortassapput.

Nipilersortussat tusaamasaanerit tassaapput Hjalmar, Islandimiuusut, Yggdrasil, Savalimmiormiuusut, kiisalu Kunngi nipilersortartuilu, Nunatsinneersut. Tassa  nipilersoriaatsit assigiinngiiaaqisut tusarnaariarusukkukkit aamaku.

-Katuap tusarnaartitsinermik uumminnga anguniarpaa ukiumut ataasiarluta pisartussamik nunanit avannarlerniit peqataatitaqarluta tusarnaartitsinermik aaqqissuerusulluta. Ilisaritikkusussimavagut nunani avannarlerniit tusarnaartitsisartut pitsaanerpaanut ilaasut nalunngeriikkat nutaajunerusullu. Uku nipilersoriaatsit ilaatigut tusarnaarumaarpagut; folk, blues, ballade/rock, reggae aammalu misileraasumik nipilersorneq (eksperimental),Ove Heilmann oqarpoq.