Nunat avannaamioqatigiit OECD-mit paasisassarsiorfigineqassapput
Aningaasaqarneq pillugu suliniaqatigiiffissuarmit, OECD-mit, ilisimatuut ilaasortat tallimat paasiniaaqqissaarnerminnut atatillugu, nunarput sapaatip akunnerani uani tikeraalerpaat.
Allattoq Apollo Jeremiassen
januaarip 29-at 2010 06:48
Nunat avannaamioqatigiit, tassaasut Kalaallit Nunaat, Island, Savalimmiut aamma Norgip sineriaa, ataatsimut taaguuteqartut NORA-mik, paasisassarsiorfigineqassapput.
OECD-mit nalunaarusiap inerneri ukiup naalernerani naammassineqartussaapput. Paasiniaaqqissaarnerup isiunertaraa nunat avannaamioqatigiit aningaasaqarnikkut aammalu politikkikkut misissueqqissaarnerup innersuunneqarnerini.
Tamatuma kingorna nalunaarusiortoqassaaq, nalunaarusiap imarissavaa tigussaasunik politikkikkut siunniussanik innersuussineq, nunanut taakkununnga nukittorsaataasinnaasunik. Taamaalilluni nalunaarusiaq siunissami politikkikkut aalajangiinerni atorluarsinnaaniassammat, nunap namminermi imaluunniit avannaamioqatigiit akunnerminni atorsinnaasaannik.
