Nunat atlantikup avannaamiut illuutaanni inuiattut ullorsioqqaarneq
Atlantikup avannaamiut Odensemi naapittarfittaavanni inuiattut ullorsiorneq nalliussineqarmat inuit 400-nit amerlanerusut peqataapput. Assit takukkit.
Allattoq Martine Lind Krebs, Simon Uldum
juunip 23-at 2014 08:32
Inuiattut ullorsiorneq Nunat atlantikup avannaamiut illuutaanni perngaammik nalliussineqarpoq. Siorna illorsuaq suli sanaartorneqarmat umiarsualivimmi nalliussineqarpoq.
Odensemilu nalliuttorsiorneq iluatsilluartoq nuannaarutigineqaqaaq.
- Kalaallitn Illuutaata Odensemiittup inuiattut ulloriariorneq arlaleriaqaluni nalliuttorsiutigisareeraluaraa aatsaat taama nuannertigisumik nalliuttorsiortoqarpoq, tusagassiorfinnut nalunaaruteqarlutik taama allapput.
Inuiattut ullorsiornerup nalliussineqarnera nalunaaqutaq 14.00 oqalugiarnertalimmik aallartinneqarpoq, kingorna nerisassanik ussiisitsisoqarpoq kaffillertoqarlunilu, Christian Søgaards trio tusarnaartitsipput meeqqat pississaartarfimmi pinnguartinneqarlutik.
