Nunat arlallit silaannaqanngitsorsuarmi misileraavii pilersuisertaarput

Amerikami Kujallermi naalagaaffimmit Fransk Guyanamit Europami avataarsualiartitsiviup ESA-p angallasiaa, ”Jules Verne” iluatsittumik ullaap tungaa igeriunneqarmat, Sylverne usillugu, taama pisoqarpoq.

Amerikami Kujallermit igeriussineq Danmarkissaaq pissanngatigineqaqaluni malinnaavigineqarpoq, aatsaammi taama piginnaasaqartigisumik europamiut silaannaqanngitsorsuarmut igeriussimmata. Avataarsuani angallasiaq ATV – Automated Transfer Vehicle –taaguuserneqarsimasoq ”Sylverne” sanaajusartunit atortorinnerullunilu piginnaasaqarneroqisoq iluatsittumik aallartinneqarpoq. Avataarsuani misileraavinnut atortunik, nerisassanik, orsussanik assigisaannillu pajuttortassaaq; danskillu pissanganerannut peqqutissaqarpoq, tassami qarasaasiaata immersarfia suliffeqarfissuarmit Rousing A/S-imit suliaasimavoq, taassumarpiaallu igeriunneqartup aqqunni uniornagu ingerlanissaa isumagisassarisimavaa, kingusinnerusukkullu avataannarsuani misileraavimmut nipitartussiarineqarsimalluni. Sylverne tonsinik 20-nik oqimaassuseqarpoq, ikummatissaqarluni 6,5 tonsinik, ilti 20 kiilu imerlu 280 kiilu useralugit silaannaqanngitsorsuarmut aanngaannaqaaq. Ukiut aqqanillit atorlugit sanaajuvoq; 10 milliarder koruuninillu akeqarsimalluni.

Pilersaarutaavoq ATV apriilip ulluisa pingajuaani avataarsuani misileraavimmut ISS-imut nipitartinneqarumaartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat