Nunat arlallit Burmami naalakkersuisunut akuliupput

Frankrig, Tuluit Nunaat, Tyskland Danmarkilu Burmami sialussuarluni anorersuareernerata kingunerisaanik innuttaasut ajornartorsiortut pillugit oqartussat sulinerannut maanna akuliupput.
Allattoq Najaaraq Egede
maajip 17-at 2008 17:16

Nunap maanna Myanmarimik taaguuteqartup sakkutuunit naalakkersorneqartup nunanit tamalaanit ikiuiartortut iseqqunngittuarsinnarpai.

Maanna aamma USA-mi inatsisartut Repræsentanternes Hus uparuaasunut akuliupput, præsident Bushimut allagaqarnermikkut, Burmami ikiuunniarnermut USA akuliuteqqullugu.

Burmami kiattup anorersuaanik eqqugaasut -angerlarsimaffeeruttut ajoqusersimasullu - 2,5 millioninngorsimassangatinneqarput, maannami aamma ullut siallersarfiit atuutileruttorput.

Tusagassiortut Burmami sumiiffinnut eqqugaanerpaanut anngussinnaasimanngillat, takunnissimasulli toqungasut timaat sumi tamaani masarsunni kuunnilu siumugassaasut oqaatigaat.

Nunanit tamalaanit Burmami ajunaarnersuarmik sakkutuut naalakkersuisuusut isumaginnissinnaanngitsutut nalilerneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq