Nunat aqqi pisortatigoortut nittartakkami misissuataarneqarsinnaalertut

Nunatsinni nunat aqqi Nunat Aqqinik Aalajangiisartunit akuerisaasut 33.000-nit amerlanerusut Oqaasileriffiup nittartagaatigut www.oqaasileriffik.gl-ikkut tamanit misissuataarneqarsinnaalerput.

Allattoq Karsten Sommer

aggustip 16-at 2018 10:18

Nunat Aqqinik Aalajangiisartut Oqaasileriffimmit sullinneqartuupput, taakkualu suliassaasa ilagaat nunatsinni nunat aqqinik katersineq, nalunaarsuineq atortussanngortitsinerlu.

Nunat aqqi kalaallisuujusut aammali Europamiutut ateqartinneqartut 1996 aallarnerfigalugu kalaallisut atitoqaannaannik taagorneqalissasut Nunat Aqqinik Aalajangiisartut suli atuutsinneqartutut aalajangiussipput. Sumiiffinnili aalajangersimasuni Europamiutuinnaq atillit kalaallisut ateqartinneqanngitsut, soorlu Tunup avannaarsuani Europamiutut taaguutaat atortinneqaannarput.

- Neriuutigaarput nittartagaq atorluarneqassasoq, aammalu kaammattuutigalugu nunat aqqi pisortatigoortut sumi tamani malinneqarlutik atortinneqartarumaartut, nunat aqqinik suliaqarnermik ingerlatsisoq allappoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.