Nunat 111-t atsioreersimalerput
EU-mi nunat ilaasortaasut 27-t, ataatsimoortutut isiginngikkaanni, maannamut atsiortut nunat 138-nngorput.
Silap allanngoriartorneranut tunngasunut Naalagaaffiit Peqatigiit akisussaasorisimasaa, Yvo de Boer, suli nuannaarutissaqarsorinngilaq:
- Ataatsimeersuareernerup kingorna, nunallu imminnut pisussaaffeqalernerata kingorna, tassa CO2-mik aniatitsivallaarunnaarnissaq siunertaralugu, alloriarneq qanilligaluartoq, nunarsuatta kissakkaluttuinnarnera 2 grader ammut ataassinnaanngilarput suli, Yvo de Boer oqarpoq.
John Nordbo, taanna Pinngortitaq pillugu nunarsuaq tamakkerlugu suliniaqatigiiffimmeersoq, aamma ajasoorpoq. Taassuma nuannaarutigineruaa, Københavnimi ataatsimeersuareernerup kinguneranik nunat avissaartuutinnginneri:
- Afrikami nunat arlallit atsioqataanissaminnut kimigiiserfigineqarsimaqisut tusarparput, atsioqataanngippata nunanut taakkununnga ikiuutit peerneqassasut aarlerisaarusiullugit, John Nordbo oqarpoq.