Nunasisunut tunngatillugu Danmark uparuarneqarpoq
Taama inerniliivoq inatsisinik ilisimatooq, Kirsten Ketscher, Nordisk Råd-imit qinnuigineqarsimasoq danskit periusaannik nalileeqqullugu.
Taamalilluni danskit periusaat akuerineqanngilaq nunasisunut ministerip Birthe Rønn Hornbekip illersugarilluagaa.
Naallu Nordisk Råd Danmarkip pissusaanut nunani avannarlerni innuttaasunik inuttut ikiorserneqartunik anisitsisarluartoq, atatsministeri Lars Løkke Rasmussen oqarpoq Danmark isumaqatigiissutinik unioqqutitsinngitsoq.
Taama oqarpoq ullumi nunat avannarliit Islandip illoqarfiani pingaarnermi Reykjavikimi statsministerit naapinnerisa kingorna.
Kirsten Ketschrili Københavnip universitetianeersup nalilerpaa innuttaasunik nunani avannarlermeersunik nunamiit anisitsisarnerit EU-mi nunanilu avannarlermi isumaqatigiissutinik unioqqutitsinerusut.
Ketscherillu nassuiarpaa inasattajaamik qallunaat eqqartuusivitsigut ileqqutoqaat pingaartinniarneqarpallaartoq, eqqartuussiveqarnikkullu ineriartornerup Danmarkip inatsimmik nassuiaanera sakkortuallaartoq qimassimagaa.
Nordisk Rådimi innuttaaqataasut ataatsimiititaliaat naammaginninngilaq kissaatigaalu Danmark sakkortuumik piumasaqarfigineqassasoq nunap pisussaaffini nunat avannarliit iluanni maleqqullugit.
