Nunasisartut sivisunerumik nunatsinniittalersut
Nunatsinnut nunasisartut siornatigornit nunatsinniiginnartarnerat sivisunerulersimasoq, naatsorsueqqissaartarfiup nalunaarusiaani nutaami nunatsinnut nunasisartut pillugit 1981-miit 2003-mut nalunaarsorneqarsimasut kisitsisit takutippaat.
Pingaartumik ukiuni kingullerni tallimani nunatta avataani inunngorsimasut nunatsinniiginnarnerusalersimapput. 1981-mi nunasisut affaat sinnerlugit amerlanerussuteqarluartut ukiut pingasut angunagilluunniit aallaqqittarsimapput, 2002-mili nunasisut affaat angungajallugit ukiut pingasut sinnerlugit nunatsinniittalersimapput. Nunatsinnut nunasisartut 98%-ii qallunaajupput.
Naatsorsueqqissaartarfiup nalunaarusiaani aamma erserpoq kalaallit arnat angutinut naleqqiullutik nunatsinniit nuuttarsimasut. Agguaqatigiissikkaanni angutit 100-gaangata arnat 125-it nuuttarsimapput.
Danmarkimiik nunatsinnut nuuttartut paarlattuanik illuanut sammipput. Angutit 100 nunatsinnut nuukkaangata agguaqatigiisillugu arnat affaannaat nooqataasarput.
