Nunasiniartut killilersorumavaat
Danmarkimut nunasiniarlutik qinnuteqartut itigartinneqartartulli Danmarkimi naalakkersuisunit pitsaanerusumik atugassaqartitaaqqullugit siunnersuusioraluarput. Illuatungiliuttulli kalaallinit Folketingimi ilaasortanit marlunnit taperserneqarlutik tamanna itigartitsissutigaat.
Allattoq Mads Lynge
januaarip 21-at 2008 13:05
Naalakkersuisooqatigiit Dansk Folkepartiilu sapaatip akunnerata uuma siuliani isumaqatigiissuteqarput, nunasiniat ataatsimoortumik najugaqarfigisaniit ukiut pingasut qaangiukkaangata anisinneqartassasut.
Attaviitsorli Pia Christmas-Møller illuatungiliuttunik allanik peqatissarsioreerluni maanna siunnersuuteqarpoq nunasiniarlutik qinnuteqartut ukiut marluk qaangiukkaangata ataatsimoortumik najugaqarfigisaniit anisinneqarsinnaasariaqartut.
Kalaallit Nunaata Folketingimi ilaasortaatitaat Lars-Emil Johansen kiisalu Juliane Henningsen tamanna pillugu ullumi oqaloqatigiissamaarput.
- Apeqqummut tamatumunnga illuatungiuliuttunut taaseqataanissara naatsorsuutigilluinnarpara, Lars-Emil Johansen aviisimut Jyllands-Postenimut oqarpoq.
