Aamma nunarsuarmi aggustip qaammataa misissuisoqarfiup kiassutsimik ukiuni 141-ni uuttortaasarnerani kiannerpaaffiusutut uuttortarneqartuni tulliuvoq.Assi: NOAA Satellites/flickr

Nunarsuup affaani avannarlermi aasaanera aatsaat taama kiatsigisutut uuttortarneqartoq

Juuni, juuli aggustilu aatsaat taama kiaffiutigisutut uuttortarneqartut silap pissusianik misissuisoqarfiup kisitsisaataasa takutippaat.

Nunarsuup affaani avannarlermi aasaanera aatsaat taama kiatsigisutut nalunaarsorneqarpoq.

USA-mi imarpinnik silaannarmillu misissuisoqarfiup (Noaa-p) paasissutissaataasa tamanna takutippaat.

AAMMA ATUARUK Sibiriami kiarujussuallarmat Qaasuitsup killingata avannaa aatsaat taama kiatsigigunartoq

Juuni, juuli aggustilu 1900-kkunni agguaqatigiissillugu kiassutsiminngaanniit misissuisoqarfik naapertorlugu 1,17 grademik kiaffiunerupput.

Aamma nunarsuarmi aggustip qaammataa misissuisoqarfiup kiassutsimik ukiuni 141-ni uuttortaasarnerani kiannerpaaffiusutut uuttortarneqartuni tulliuvoq.

Tamatuma saniatigut Issittumi aasaanera nalinginnaasuusimanngilaq.

AAMMA ATUARUK Nunarsuup imaa ukiut 80-it qaangiuppata centimeterinik qulinik qaffassinnaasoq

Norgemi qeqertami Inngikitsulimmi Norgep silasiorfia naapertorlugu aasaanerani aatsaat taama kiatsigaaq.

Norgep avannaa issittoq juulip ulluisa 25-anni kiannerpaavoq, 21,7-inik kiattoq uuttortarneqarluni.

Inngikitsullip juulimi taama kiatsiginera pissutaalluni aput aattoq annertummat erngup qummut killinga nalinginnaasumik qaffasinneruvoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat