Nunarsuatta assinga nassaarineqarpoq
Ulloriaq angalasoq, qanittoq tikillugu ilisimaneqanngitsoq, nunarsuarput assigalugu ullorissamik kaaviisuuvoq.
Ulloriaq angalasoq taanna, ullorissani seqineqarfitta avataaniittuni nassaarineqartuni, ullorissamut allamut naammaginartumik ungasissuseqarnermigut, qaamigut imeqarnissaanik ilimagineqartuni siulliusoq, nittartakkami jp.dk-mi taama allaaserinnittoqarpoq.
Ullorissamut angalasumut nassaarineqartumut inuit nuussinnaalersinnagit, ullorissap silaannartaa qanoq innersoq ulloriarsiuut misissoqqaartussaavaat.
- Silaannartaa amoniakiinnaassappat, tassa silaannaq tamakkerluni tipituujuppat mikialersumit pisoq, taava inuunermik nassaassaqarnissaa ajornakusuussaqaaq. Kisianni silaannartaa nalinginnaasunik gasseqarpat soorlu silaannaap ilaanik ilteqarpat aamma kuldioxid-eqarpat, tassa ilisimasatsitut CO2-mik akoqarpat, ilisimasatsitut inuunermik nassaassaqarnissaa ilimanaateqarsinnaavoq, Steven Vogt, University of Californiameersoq, ullorissamik nassaaqataasoq taama oqarpoq.
Ajornartorsiut aamma alla tassaavoq ulloriaq angalasoq taanna nunarsuatsinnit pingasoriaammik annerummat, arriinnerusumillu kaavilluni, taamaalilluni affaa qaamajuaannangajattuulluni affaalu taartuaannangajattuulluni.
