Nunarsuarmi utoqqaanersaanerartoq USA-mi toquvoq

Nunarsuarmi angut utoqqaanersaq, amerikamiu qimuttuitsut aqqutaanni sulisartoq soraarneq, Walter Breuning, 114-inik ukioqarluni toquvoq. Siornaak aperineqarami sooq taama utoqqatigisorinersoq ullormut marloriaannarluni nerisarnini peqqutiginerarsimavaa.
Allattoq Carla Davidsen
apriilip 15-at 2011 07:12

USA-mi naalagaaffimmi Montanami utooqqarnut paaqqinnittarfimmi, Walter Breuningip najugaqarfigisaani, sulisut oqarnerat naapertorlugu Walter Breuning ippassaq toquvoq. Breuning illoqarfiup aviisianit ukiut marluk matuma siorna apersorneqarnermini oqarpoq, nalinginnaalluinnartumik inuuneqarnini ukioqqortunerminut pissutaagunartoq.

Ukiuni kingullerni 35-ni ullormut marloriarluni taamaallat nerisarsimavoq.

- Unnukkut nerisarnani sungiukkaanni, inuunerinnartorujussuaq paasinarsisarpoq, aviisimut Great Falls Tribune-mut 2009-mi oqarpoq.

Breuning Minnesotami septembarip ulluisa 21-anni 1896-imi inunngorpoq.

Angutini suli peqqissuni nunarsuarmi utoqqaanersatut Guinness Rekordbogimi ukioq-manna saqqummersuni ilanngunneqarpoq. Maanna utoqqaanersanngorpoq japanimiu, Jiroemon Kimura, taanna marlunngorpat 114-iliissaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq