RAL: Nunarsuarmi umiarsualiviit uagutsinnut ammapput

- Pilersaarut piumanerusarput, sulissutigisarpullu, tassaavoq 2019-imi juunip qaammataanit Aalborgimit angallassiunnaassagatta, Royal Arctic Linemi pisortaq Verner Hammeken oqarpoq.

Royal Arctic Linelu periarfissanik arlaninnik sulissuteqartoq, umiarsuaateqatigiiffiulli Aalborgip umiarsualivia 2019-imiit aallaavigiunnaarnissaa neriuutigaa.

RAL-imi pisortaq naapertorlugu Aalborgimi sulisut 110-t missaanniittut pilersaarummik matumanik sapaatip akunnera una nalunaarfigineqarput.

- 2019-ip kingorna qanoq iliortoqarsinnaaneranik sulissuteqartussanik suleqatigiissitanik pilersitsivugut. Suliallu ilungersunartup ingerlanerani sulisugut ikiorniarlugit poortuisartutsinnut ilinniaqqiffiusinnaasunik suliniutinillu allanik pilersitsivugut, Verner Hammeken oqarpoq.

Aalborgip umiarsualivia 1971-imiilli Royal Arctic Linep aallaavigisarsimavaa, 2019-imiilli tamanna atorunnaassaaq. Verner Hammekenillu oqaatigaa kalaallit umiarsuaateqarfii nutaamik umiarsualimmik aallaaveqartarunnaassasut.

- Oqaaseq umiarsualiviup aallaavia oqaasersiuutitsinni iluamik ilaajunnaarnikuuvoq. Nuummi niuernermut tunngassutigeqartunik suliaqarsinnaasumik umiarsualivittaalerpugut, nunarsuarmilu umiarsualiviit allat ammapput, Royal Arctic Linep pisartaa oqarpoq.

- Umiarsualivik allaaveqarneq itsakajaajuvoq, naggasiilluni oqarpoq.