Nunarsuarmi timmissat nujuartat utoqqaanersaattut ilisimaneqartoq manniliortoq
Nunarsuarmi timmissat nujuartat utoqqaanersaattut ilisimaneqartoq manniliorpoq.
Tuluit tv-qarfiat BBC taama allappoq.
Timmiaq pineqartoq tassaavoq Laysanip naajarluusarsua Wisdomimik atserneqarsimasoq, 74-inillu utoqqaassuseqarneragaasoq.
Laysanip naajarluusarsui nalinginnaasumik aqqaneq-marluk 40-llu akornanni utoqqaassuseqalikkajuttut, BBC allappoq.
Wisdomip uumatilluni 30-riarluni manniiliorsimanissaa ilimagineqarpoq. Kingullermik manniliormat tukertitsillunilu tamanna 2021-mi pivoq.
Naajarluusarsuup manniliorfiani nunami eqqissisimatitamik aqutsisup Jon Plissnerip, uumassusilerituujusup, BBC-mut oqarnera naapertorlugu timmiamik Wisdomitut ittut akornanni taama utoqqaatigilertigisimasumik ilisimannittoqanngilaq.
Wisdomip saniatigut utoqqanngortut akornanni ilisimasaq ataaseq 45-nik ukioqalerpoq. BBC taama allappoq.
