Nunarsuarmi silap kiatsikkiartornerunissaa neriuutigigaa

Ukiuni aggersuni nunarsuarmi silap kiatsikkiartornerunissaa Palle Christiansenip Demokraatineersup neriuutigaa, tamannami Kalaallit Nunaannut iluaqutaaginnassammat, ilaatigut nittartagartaamini taama allaaserisaqarpoq.

- Nunarsuarmi silap kiatsikkiartornerata kingunerissavaa naatitanik amerlanerusunik naatitsisinnaalerneq, takornarniat amerlanerit, sivisunerusumillu Kalaallit Nunaanniilersinnaanerat, issikillineranilu ikummatissartunnginnerulissalluta.

Palle Christiansenip nittartagartaamini ilanngullugu allaaserisimavaa sermersuatta aakkiartorneragut nunat pukkitsunik taasakkavut, soorlu Bangladeship ilarujussua qarsutsiffiussasoq. Uagutsitulli nunarsuarmi sila kistikkiartornera ilutigalugu inuusaatsivut naleqqussartariaqarivut, aammattaaq Bangladeshimiut taamaasiortariaqarnerarlugit, qatsinnerusumullu nuuttariaqarnerarlugit. Nunarsuatsinni pissutsit taamaattut maannamut oqaluuserissallugit paqumigineqartut ersarinnerusumik oqallissigineqarnerusariaqarnerarpai. Uagorpiarlu nunarsuarmi silap kistikkiartornerata iliuuseqarfigiuminaannera nassuerutigiitigalugu pissutsinut malitsigisassaanut naleqqussarutta Palle Christiansenip angusaqarnarnerussangatippaa.

Palle Christiansenip nittartagartaava uani takuneqarsinnaavoq: www.palle.gl.