Nunarsuarmi pissartanngorniunnissamut anngunniunneq aallartilluartoq
![](/sites/default/files/styles/image_934x467/public/2024-05/Holdbilled%20f%C3%B8r%20kamp%201%20%28002%29.jpg?h=4c2f95b2&itok=Xn8wi3o0)
Angutit nunanut allanut unammisartut nunatsinneersut 2025-mi nunarsuarmi pissartanngorniunnissamut anngunniarlutik Mexico Citymi ulluni makkunani unammipput.
Nunanut allanut unammisartut unamminermi siullermi Canadamut unamminerminni aallartilluangaatsiarput. Unamminerup immikkoortuani siullermi naligiillutik unammineranni nunarput 16-eraartoq Canada 14-eraarpoq.
Unamminerup immikkoortuata aappaani kalaallit angutit saassussilluartarlutillu illersuilluarput, unammineq taamaalilluni Kalaallit Nunaata ajugaaneranik naammassineqarpoq.
- Arsartut tamaavimmik, aamma taartaassamaartut, ataatsimoorussuseqarlutik arsarluarusullutillu unammipput. Peqataaqqaartut aamma takutitsilluaqaat akisussaaffimmillu tigusilluarlutik, TAAK tusagassiuutinut nalunaarummi allappoq.
Unammineq 32-23-mik naammassineqartoq
Unammineq isertitsinernik qulingiluanik siuaqqalluni nunarput ajugaavoq, Akutaaneq Kreutzmannilu unamminermi isertitsinerpaalluni tallimanik isertitsivoq.
Angutit assammik arsartartut tulliani marlunngorpat unnukkut Mexicomut unammissapput, unamminerat KNR2-kkut nalunaaqutaq 23.00 toqqaannartumik malinnaaffigisinnaavat.
Assammik arsarnermi nunarsuarmi 2025-mi pissartanngorniuunneq januaarimi pissaaq, unamminerillu Danmarkimi, Norgemi Kroatiamilu aaqqissuunneqassallutik.