Nunarsuarmi nunat mingutitsinerpaat ataatsimeersuartut
Silap pissusaa pillugu isumaqatigiissut naalagaaffiit peqatigiit iluanni isumaqatigiissut ukioq 2012 nutarterneqarnerata kingorna tapersersornissaannut ataatsimiinnermi isumaqatigiissutigineqarpoq.
Silap pissusaa pillugu Hawai-imi ataatsimiinneq USA-p aaqqissuussaraa, nunarsuarmilu nunat CO2-mik mingutitsinerpaat ataatsimiipput.
USAp præsidentiata illorsuani Det Hvide Hus-imi silap pissusaa pillugu siunnersorti James Connaugthon ataatsimeersuarneq imaqarluarnerarlugu iluarsimaarlugulu unnersiorpoq.
Nunarsuarmi aningaasarsiornermik ilisimatuut 16-it silap pissusaa pillugu Naalagaaffiit Peqatigiit ukioq 2007-imi Bali-mi isumaqatigiissutaata pilersaarusiorneqarnerata iliuuseqarfigineqarnissaat tuavisaarutigaat. Pilersaarusiaq Københavnimi aappaagu silap pissusaa pillugu ataatsimeersuarnermi nutaamik isumaqatigiissutigineqassaaq.
Nunat Hawai-imi ataatsimeeqataasut nunarsuarmi CO2-imik mingutitsinerup 80 procentianik mingutitsissupput. Nunat ataatsimeeqataasut ilaatigut tassaapput, USA, Kina, Indien, Rusland, Japan, Indonisien aamma Brasiilia, nunat taakkkua saniatigut EUp aammalu nalagaaffiit peqatigiit sinniisuutitaat ataatsimiinermini peqataapput.
