Nunarsuarmi inuussutissarsiorluni siuttut suliniuteqarusupput

Nunarsuarmi suliffeqarfissuit anginersaanit, assersuutigalugu Coca-Cola, Nike, Siemens aamma Danfoss, World Climac Summit-imut suliniuteqarfissamut nutaamut peqataaniarlutik nalunaarsimapput, silap pissusaata allanngoriartornera pillugu suliniuteqarfik. Taanna nunarsuarmi siuttut Mexicomi Cancun-imi sila pillugu ataatsimeersuarnerisa nalaani pilersinneqarpoq.

Timmisartuutileqatigiiffissuullu Virgin Airlines pisortaa, Richard Branson malillugu piffissanngorpoq nunarsuarmi siuttuusut suliniuteqalernissaat. Taanna ilaatigut nittartagaateqarpoq nunarsuarmi umiarsuarnik 60.000-inik nakkutilliisumik, umiarsuit CO2-mik qanoq annertutigisumik aniatitsinerinut nakkutiginnittumik.

Suliniuteqartut neriuutigaat nittartagaq atorneqarluassasoq, assartuinermilu umiarsuit CO2-mik aniatitsinnginnerpaat atorneqarumaartut. Taamaaliornikkut assartuisartut CO2-mik aniatitsinertik killilersimaalissammassuk.

Inuussutissarsiornermi pisortat toqqissisimanngissutigaat nalugamikku siunissami aningaasaliiffissat suliffeqarfiit sorliit toqqarniarneraat politikerinit sinaakkutissat pingaarnerit sorliit atorniarneqarnersut suli aalajangiunneqanngimmat, Cancun-imilu ataatsimeersuarnermi isumaqatigiissutigisinnaanagu.

Ajornartorsiullu angisuujuvoq, tassami uani pineqarmat inuit siunissami inuuginnarnissaat, CNN-mi tunngaviliisoq Ted Turner oqarpoq.