Nunarsuarmi inuit coronavirusimik tunillanneqarsimasut 60 millionit sinneraat
Coronavirus nunarsuarmi tuniluuttuarsinnarpoq, kisitsisillu kingulliit naapertorlugit tunillatsissimasut pingasunngornermi 60 millioninngorput.
USA-mi ilisimatusarfiup Johns Hopkins Universityp kisitsisaataasa tamanna takutippaa.
Inuit 1 millionit Europami ullut kingulliit ingerlaneranni tunillatsissimasut siumorneqarput.
Aamma USA-mi. Tunillatsissimasummi sapaatit-akunnerata massuma ingerlanerani 1 millioninik amerlimmata.
AAMMA ATUARUK Nunarsuarmi inuit coronavirusimik tunillanneqarsimasut 50 millionit sinneraat
Inuit nunarsuaq tamakkerlugu tunillatsissimasut ullut 17-it ingerlaneranni 50 millioninit 60 millioninut amerlipput. Assersuusiussagaanni tunillatsissimasut 40 millioninit 50 millioninut amerlimmata ullut 21-t ingerlaneranni taama pisoqarpoq.
Coronavirusip sukkanerusumik tuniluunneranik tamannna takussutissaasoq, nutaarsiassaqartitsiviup Reutersip allaaseraa.
Latinamerika nunarsuarmi eqqugaanerpaavoq. Nunarsuarmimi tunillatsissimasut 21 procentii latinamerikamiimmata, nappaammillu nunarsuarmi toqquteqartut 31 procentii latinamerikamiillutik.