USA-mi, Indiami Brasiliamilu coronavirusimik tunillanneqarsimasut toqquteqarsimasullu, nappaatip tuniluutilerneraniilli amerlanerpaapput.Assi: Indranil Mukherjee/AFP/Ritzau Scanpix

Nunarsuarmi inuit coronavirusimik tunillanneqarsimasut 32 millionit sinnersimagaat

Inuit coronavirusimik nunarsuaq tamakkerlugu tunillanneqarsimasut juulip qiteqqunneranili agguaqatigiissillugu 1 millioninik ullut sisamakkaarlugit amerlisarput.

Inuit coronavirusimik tunillanneqarsimasut nunarsuaq tamakkerlugu 32 millioninit maanna amerlanerupput.

Tamanna ilisimatusarfiup Johns Hopkins Universityp nalunaarsugaanni sisamanngornermi erserpoq.

Inuit 31 millionit nunarsuaq tamakkerlugu tunillanneqarsimasut ataasinngormat saqqummiunneqarpoq, ullullu pingasut ingerlaneranni 1 millioninik tassa amerlisimallutik.

Inuit coronavirusimik nunarsuaq tamakkerlugu tunillanneqarsimasut juulip qiteqqunneranili agguaqatigiissillugu 1 millioninik ullut sisamakkaarlugit amerlisarput.

AAMMA ATUARUK USA-mi inuit 200.000-nit amerlanerusut coronavirusimik toqquteqarsimasut

Inuit coronavirusimik nunarsuaq tamakkerlugu toqquteqartut 1 millioninngulerput. Katillugit 979.388-it coronavirusimik toqquteqarsimasut, kisitsisit sisamanngornermi unnukkut saqqummiunneqartut takutippaat.

Taama amerlatiginerat akuersaaruminaappoq. Naalagaaffiit Peqatigiit peqqissuunissaq pillugu suleqatigiiffiat WHO, sapaatit-akunnerata naanerani taama nalunaarpoq.

USA-mi, Indiami Brasiliamilu coronavirusimik tunillanneqarsimasut toqquteqarsimasullu, nappaatip tuniluutilerneraniilli amerlanerpaapput.

Nunatsinni coronavirusi pillugu
killiffik

Tunillatseqqasut 75  
Ullumi tunillatsittut 7  
Siullermik kapitissimasut 71%  
Aappassaa kapitissimasut 65%  
Tunillanneqarsimasut 779  
Uninngasut 0  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Oktobarip 27-at 12:00
 

Coronavirusimik tunillatsinissaq pinaveersaaruk