Qimaasut 9 milliuuninik ukioq kingulleq amerleriarput, 2010-milu qimaasunut sanilliullugit marloriaatingajammik amerlanerupput. Taamanikkut inuit 41 milliuunit qimaasuupput.Assi: Christof Stache/AFP/Ritzau Scanpix

Nunarsuarmi inuit 1 procentii 2019-ip naanerani qimaasuusut

Naalagaaffiit Peqatigiit inunnik qimaasunik 2019-ip naanerani aatsaat taama amerlatigisunik nalunaarsuipput. Qimaasut amerlanerpaartaat nunagisamik sanilianut qimaasuupput.

Nunarsuarmi inuit 1 procentii, tassa 79,5 milliuunit 2019-ip naalernernerani qimaasuupput.

Qimaasut aatsaat taama amerlatigipput, tamannalu ukiuni kingullerni qulini uivertoqarneranik ersersitsivoq, inuppassuit sorsunneq malersugaanerillu pissutigalugit qimarrammata.

Naalagaaffiit Peqatigiit qimaasunut suliniaqatigiiffiat, UNHCR, nalunaarsukkat kingulliit tunngavigalugit taama ilisimatitsivoq.

AAMMA ATUARUK Tyrkiap præsidentiata qimaasut millionikkaat EU-mut isertinniarai

Qimaasut 9 milliuuninik ukioq kingulleq amerleriarput, 2010-milu qimaasunut sanilliullugit marloriaatingajammik amerlanerupput. Taamanikkut inuit 41 milliuunit qimaasuupput.

Ingammik syriamiut, venezuelamiut, sudan kujallermiut kiisalu naalagaaffimmi sumiluunniit innuttaassuseqanngitsut Myamarimi rohingyaerit qimaasuupput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat