Assi: Tillie Martinussen

Nunarsuarmi imminut toquttarnerit 1990-imut naleqqiullugit ikileriangaatsiartut

Nunarsuarmi imminut toquttarnerit amerlassusaat 1990-ip kingornatigut pingajorarterummik ikilisimapput. Annertuumik misissuinerup Tuluit Nunaanni nakorsaanikkut atuagassiami BMJ saqqummersup tamanna takutippaa.

Naalagaaffiit Peqatigiit peqqinnissakkut suleqatigiiffiata WHO-p imminut toquttarneq inuiaqatigiit peqqinnerannut annertuumik ajornartorsiutitut oqaatigaa missingerlugulu ukiumut ikinnerpaamik inuit 800.000 imminut toquttartut.

Kisianni nunarsuarmi inuit amerliartupiloornerat ukiuni qulikkaani kingullerni pingasuni qanoq annertutigisoq eqqarsaatigigaanni imminut toquttut amerlassusaat 1990-p kingornatigut piviusumik 32,7 procentimik ikileriarsimapput.

AAMMA ATUARUK Imminut toquttarneq akiorniarlugu nuna tamakkerlugu ingerlaaqatigiinneq - assilisatit takutikkit

Tamanna ilaatigut inuit piitsuuillutik inuusut ikinnerulernerannik amerlanerillu peqqinnissaqarnikkut ikiorneqarnissamut periarfissaqalernerannik peqquteqarpoq.

- Imminut toqunneq toqqutitut pinaveersartinneqarsinnaasutut isigineqarpoq. Misissuinerup matuma imminut toquttarnerup pinaveersaartinneqarneranut suliniutivut ingerlateqqittariaqarivut takutippaa, Heather Orpana oqarpoq.

Taanna Canadami inuit peqqinnissaannut institutimi ilisimatuussutsikkut misissuisuuvoq misissuisunulu ilaalluni. Naak misissuinermi suliarinnittut ikiliartornermik naammaginnissimaaraluarlutik taamaattoq mianersoqqussutitut oqaatigaat nunarsuup immikkoortuisa ilarpassuini suli annertuumik ajornartorsiutaasoq.

/ritzau/AFP

AAMMA ATUARUK Tasiilami inuusuttut imminut toquttarneq pillugu isiginnaartitsissusiortut

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat