Nunarsuarmi inuit 10 millionit coronavirusimik tunillatissimasut Johns Hopkins Universitytip sapaammi kisitsisaataani aamma takuneqarsinnaavoq.Assi: Kai Pfaffenbach/Reuters/Ritzau Scanpix

Nunarsuarmi coronavirusimik toqqutillit millionit affaannit amerlanerulersut

Nunarsuarmi coronavirusimut attuumassulimmik toqquteqartut sisamararterutaat USA-meersuupput. Kisitsisini saqqummiussani kingullerni tamanna erserpoq.

Coronavirusimik nunarsuaq tamakkerlugu toqquteqartut millionit affaannit sapaammi amerlanerulerput.

Amerikami Johns Hopkins Universityp kisitsisaataani tamanna takuneqarsinnaavoq.

Kisitsisit nunani tamalaani oqartussanit nalunaarsugaapput, katillutillu 505.000-nit amerlanerusut coronavirusimut attuumassutilimmik toqquteqartutut maanna nalunaarsorneqarsimapput.

AAMMA ATUARUK Verden runder ti millioner coronasmittede

Nunarsuarmi inuit coronavirusimik tunillatissimasut 10 millioninngortut Johns Hopkins Universitytip sapaammi kisitsisaataani aamma takuneqarsinnaavoq.

USA-mi 2,6 millioninit amerlanerusut tunillatsissimapput, taakkunannga 128.000-nit amerlanerusut toqusimallutik.

Tassa imaappoq, nunarsuarmi coronavirusimut attuumassulimmik toqquteqartut sisamararterutaat USA-meersuupput.

Brasilia tullertut inissisimavoq, tassani 57.000-nit amerlanerusut coronavirusimik toqquteqartutut nalunaarsorneqarsimammata.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat