Nunarsuarmi aningaasarsiornikkut ajalusoortoqarnissaa siulittuutigineqarpoq
Naak aningaasarsiornermik ilisimasallit amerlanerit isumalluaraluartut, Robert Sprechterip oqaasii nikallunganarsinnaapput.
Sprechterip aningaasarsiorneq pillugu naliliisartut Elliot Wave-kkut siuttuuffigai. Inuup qisuariartaasia aningaasarsiornermullu sunniuteqaatigisinnaasai eqqarsaatigalugit Elliot Wave-kkut tunngavilersuutigisarpaat.
USA-mi aktianik nioqquteqartarfimmi S&P indeksimi aktiat nalingisa appariartorlutillu qaffakkiartornissaat taassuma eqqoriarsinnaasimavai, aningaasarsiornerullu killup tungaanut aallaqqinnissaa maanna siulittuutigalugu.
Aningaasarsiornerullu ajalusooqqinnissaata saniatigut, nioqqutissiassat, ujaqqat erlinnartut nalingisa kiisalu illut pigisat nalingisa appariartoqqinnissaat taassuma eqqoriarpaa.
USA-mi aningaasarsiornerup ukioq manna pitsanngoriartornissaa aningaasarsiornermik ilisimasallit 90 procentiisa eqqoriarpaat, naallu suliffissaaleqisut USA-mi amerliartoraluartut, innuttaasut ataatsimut isigalugit isumalluartut taassuma oqaatigaa.