Nunarsuarmi aningaasaqarnerliorneq isiginnaagassiariniarpaa
Moorep nammineq USA-p oqaluttuarisaanerani peqquserlunnerit annersaattut taajumasani sammissallugu, nittartakkani aqqutigalugu aningaasaqarnermik ilisimasalinnik qanoq pisoqarsimaneranik oqaluttuarumasunik ujaasivoq, ilaatigut ima oqaasertaliilluni:
- Nunarsuarmi aningaasaqarnikkut ajornartorsiorneq, aningaasanik atornerluinersuartut taarusunnerusara, sumik aallaaveqarnersoq ilarpassuassi nalunngikkaat ilimagilluinnarpata. Taamaammat sapiissuseqarlusi saqqummernissarsi pisariaqartippara, USA-mmi oqaluttuarisaanerani peqquserlunnerit annersaat qulaajaaqataaffigigussiuk sapiitsuliortorsuartut isigineqalissasi, Michael Moore kaammattuivoq.
Filmit pillugit Cannesimi Frankrigimi nalliuttorsiulaarnissami maajip qaammataani pisussami Moorep filmiliassani oqaluttuarinerujumaarlugu aamma oqaatigaa.