Japanimiu nunarsuarmi angutini suli inuusuni utoqqaanersaq, Chitetsu Watanabe, 2019-imi apersorneqarami inuunertunissamut ersarissumik ima siunnersuuteqarpoq: Qungujulagit nuannaarlutillu.Assi: Kyodo/Reuters/Ritzau Scanpix

Nunarsuarmi angutini suli inuusuni utoqqaanersaq inuunertunissamut siunnersuuteqartoq

Japanimiu ukiunik 112-inik ullunillu 344-nik utoqqaassusilik, Chitetsu Watanabe, Guinness Rekordbogimut ilanngunneqarpoq.

Qungujulagit nuannaarlutillu.

Japanimiu nunarsuarmi suli inuusuni utoqqaanersatut uppernarsarneqarluni nalunaarutigineqaqqammertoq, Chitetsu Watanabe, taama siunnersuutitsialaqarpoq.

Ukiunik 112-inik ullunillu 344-nik utoqqaassusilik, Chitetsu Watanabe, Guiness Rekordbogimut pingasunngornermi ilanngunneqarpoq.

Watanabe nunarsuarmi angutini suli inuusuni utoqqaanersaanermut uppernarsaammik najugaqarfigisamini illoqarfimi Niigatami utoqqaat angerlarsimaffianni tunineqarpoq.

Chitetsu Watanabe Japanip kitaani illoqarfimmi Niigatami 1907-imi marsip ulluisa tallimaanni inunngorpoq.

Inersimasunngorami sukkuliassanik naatitsivimmut suliartorluni Taiwanimut nuuppoq.

Tamatuma kingorna 104-nik ukioqalernissami tungaanut naatsiianik jordbærinillu naatitsivigisartakkaminik nammineq naasorissaasoqarfittaarpoq.

2019-imi apersorneqarami inuunertunissamut ersarissumik ima siunnersuuteqarpoq:

Qungujulagit nuannaarlutillu.

Chitetsu Watanabe nunarsuarmi utoqqaanersatut taaneqarsinnaanngornissaminut ukiut sisamat amigaatigai.

Nunarsuarmimi utoqqaanerpaanngornikoq tassaavoq, Japanimiu, Jiroemon Kimura, taanna ukiunik 116-inik ullunillu 54-inik utoqqaassuseqarluni 2013-imi toquvoq.

Arnaq Japanimiu, Kane Tanaka, nunarsuarmi suli inuusuni maanna utoqqaanersaavoq.

Taanna januaarimi 117-inik ukioqalerpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat