Nunarsuaq ueriartorpoq

Sermersuup aakkiartornerata nunarsuup uinganera ajattarpaalusooq, amerikamiut ilisimatusartut ilisimatuussutsikkut atuagassiami, New Scientistimi, taama issuarneqarput.

Nunarsuaq imminut maannakkut kaavikkaangami 23,5 gradit missaannik uertarpoq, sermilli aakkiartornerani, imavissuillu kissakkiartorneranni naqitsinertusiartornerannilu, nunarsuup ueriartornera sunnerneqarpoq.

Ilisimatusartut maanna nalilerpaat sermersuup aakkiartornerata nunarsuatta kaaviffia 2,6 centimeterinik ukiumut illuartartittaraa, ukiunilu tulliuttuni suli annertusiartussasoq.

- Nunarsuaq kaavititaatut ippoq, illuatungaanullu oqimaannermik ilisiguit kaavititaa illuassaaq, amerikamiut avataarsualiartitsisarfianni NASA-mi immamik ilisimatusarfimmeersoq, Felix Landerer, oqarpoq.

Tamanna aamma nunarsuup kaavinnerata sukkassusaanut sunniuteqarsinnaavoq, imarmi kaaviffimmut katersuutissammat. Nunarsuatta kaavinnera taamaalilluni sukkanerulissaaq, Felix Landerer atuagassiamut New Scientistimut oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat