Nunarsuaq tamakkerlugu uummammik aallartisaatinut ulloritinneqartartoq marlunnartinneqartoq
Tamanna Kalaallit Røde Korsianni namminneq kajumissutsiminnik suliaqartut nunarsuaq tamakkerlugu uummammik aallartisaatinut ulloritinneqartartartoq ullumikkut pingasunngornermi malunnartinneqarpat sammissavaat.
- Kalaallit Røde Korsiat tusagassiutinut nalunaarummini allappoq ikiueqqaarneq uummammillu aallartisaatit pillugit paasissutissiillutillu taakku pillugit pikkorissartitsissallutik.
Kinaluunniit tassanngaannartumik uummamminik unittoorsinnaasoq ikiueqqaarnermut ataatsimiititaliami siulittaasup Julie Senderovitzip oqaluttuaraa.
- Uummammik unittooraanni uummat kassukkunnaartarpoq anersaartornerlu unittarluni, taamaattumik timi iltimik amigaateqalertarpoq, Julie Senderovitz Dendtsen oqarpoq imalu annertunerusumik nassuiaalluni:
- Qarasaq iltimik amigaateqalertarpoq, qarasarlu iltimik minutsialunni pilersorneqanngikkaangat sulisinnaajunnaartarpoq. Taamaattumik pilertortumik ikiueqqaartoqanngippat uumaannarnissaq qularnarsisorujussuusarpoq.
Taamaammat uummammik aallartisaammik atuilluni uummarsaanermi minutsialunnguit siulliit apeqqutaasorujussuusarput.
- Uummammik aallartisaat kikkunnit tamanit atorneqarsinnaanngorlugu sanaajuvoq, taamaattumillu atornissaa toqqissisimaffigisariaqarlunilu sapiiffigisariaqarpoq, Julie Senderovitz oqarpoq.
Kalaallit Røde Korsiat Nuuk Centerimi ullumikkut pingasunngornermi nal. 14.00-imiit 16.00-p tungaanut paasissutissiillunilu pikkorissartitsissaaq.