Nunarsuaq tamakkerlugu imminut toquttarneq akiorniarlugu ullorititaq arfininngorpat pissaaq
Kommuneqarfik Sermersooq Nuummi, Paamiuni Taliisamilu aaqqissuissaaq. Ullorititap siunertaraa imminut toquttarneq akiorniarlugu paasititsiniaaneq, imminut toquttartut annikinnerpaaffimmiinnissaat siunertaralugu. Kommuni tusagassiorfinnut nalunaaruteqarluni taama allappoq.
Arfininngornermi septembarip qulingani pilersaarutit.
Nuuk:
Nal. 13.00 – 17.00: Nuuk Centerimi paasissutissanik, paasititsiniaanermik ulloq immerlugu ingerlanneqassooq, suliffeqarfiit attuumaassutillut suleqatigalugit.
Nal. 19.00 – 21.30: Hans Egede oqaluffiani ingerlanneqartussap imai imaapput. Qinnussineq, tussiaqatigiinneq, erinarsoqatigiit appinnerat, paasititsiniaaneq allallu. Unnuk naggaserlugu Lanterninik silaannarmut aallartitsineq naggataarutigineqassooq.
Tasiilaq:
Nal. 14.00 – 15.00: Nalagiarneq Rüthilip oraluppia.
Nal. 19.00 – 21.30: Rüthilip oraluppia qinnussineq, tussiarneq, erinarsoqatigiinnik appinneq, paasititsiniaalarnerlu.
Paamiut:
Nal. 13.00 – 16.30: Meeqqanut inuusuttuaqqanullu olympiadertoqassooq Paamiut timersortarfiani.
Nal. 19.00 – 21.00: Eqissinerup Oqaluffiani ingerlanneqartussap imai imaapput. Qinnussineq, tussiaqatigiinneq, erinarsoqatigiit appinnerat, paasititsiniaaneq allallu. Unnuk naggaserlugu Lanterninik silaannarmut aallartitsineq naggataarutigineqassooq.
Imminut toqunnissamik eqqarsaateqarpit imal. Nalunngisaqarpit? Periarfissat uku takukkit