Nunarsuaq tamakkerlugu ilitsoqqussaralugu oqaatsit ulluat malunnartinniaraat

Nunarsuaq Tamakkerlugu Ilitsoqqussaralugu Oqaatsit Ulluanni sammisassatut UNESCO-p

toqqarsimasaa tassaavoq “Towards Sustainable Futures through Multilingual Education” - ”Oqaatsit assigiinngitsut atorlugit ilinniartitaaneq aqqutigalugu siunissaq patajaatsoq".

Oqaasileriffik ulloq malunnartinniarlugu taaguutinik oqaatsinillu ordbogini Oqaasileriffiulluunniit nittartagaani amigaatigineqarsorisanik ippigisanilluunniit naqqinneqarsinnaasunik katersiniarpoq.

Saaffiginninnissamut periarfissat arlaqarput. Oqaasileriffimmut ullumi pingasunngornermi orniguttoqarsinnaavoq. Oqaasileriffik Nuummi Ilimmarfimmiittoq nal. 9.00-17.00 tamanut ammassaaq.

 Aamma Oqaasileriffimmut mailertoqarsinnaavoq, Ilimmarfiullu nerisarfiani unnugu nal. 19.00-21.00 ornigulluni apuussinissamut periarfissaqarpoq.