USA-mi coronavirusimik tunillanneqarsimasut nappaammillu toqquteqarsimasut amerlanerpaapput, Brasilia Indialu tulliullutik.Assi: Tim Kildeborg Jensen/Ritzau Scanpix

Nunarsuaq tamakkerlugu coronavirusimik tunillatsissimasut 27 millioninngortut

Nunarsuaq tamakkerlugu tunillatsissimasut amerlassusaat ullut sisamat ingerlaneranni 1 millioninik amerlipput.

Coronavirusimik nunarsuaq tamakkerlugu tunillanneqarsimasut unnuaq 27 millioninngorput. USA-mi ilisimatusarfiup Johns Hopkins Universityp kisitsisaataasa tamanna takutippaa. Ilisimatusarfiup taassuma coronavirusip nunarsuaq tamakkerlugu tuniluunnera nalunaarsuiffigisarpaa.

Coronavirusimik tunillanneqarsimasut ullut sisamat matuma siornatigut 26 millioninngorput.

Johns Hopkins Universitetimit naatsorsuinerit nunani ataasiakkaani peqqinnissamut oqartussaqarfiit tunillatsissimasunik uppernarsaanerat kisimi ilaavoq. Taamaammat tunillatsissimasut amerlanerungaatsiarsinnaapput.

Nunat ataasiakkaat coronavirusimut qanoq misissuitiginersut taassuma saniatigut aamma assigiinngisitaarpoq.

AAMMA ATUARUK Tamaat isigalugu: Coronavirus pillugu killiffik

USA-mi coronavirusimik tunillanneqarsimasut nappaammillu toqquteqarsimasut amerlanerpaapput, Brasilia Indialu tulliullutik.

Coronavirusimik tunillanneqarsimasut amerlanerpaartaat peqqissisarput.

Coronavirus tuniluutilermalli USA-mi tunillanneqarsimasut 6,3 millioninngulerput, Brasiliami Indiamilu tamarmik 4,1 millionit maanna sinnerlugit.

Nunani tassani coronavirusimik toqquteqarsimasut nunarsuarmi amerlanerpaapput, USA-mi 189.000-t, Brasilia 127.000-t Indiamilu 71.000-t.

Inuttaasoqassuseq aallaavigigaanni Perumi, Belgiami Tuluit Nunaannilu coronamik toqquteqartoqarnerpaavoq. Perumi inuit 29.600-it coronavirusimik toqquteqarput. Tamanna inuit 1 millioniugunik 900-it toqquteqartut assigigaa.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat