Nunarsuaq aatsaat taama kiatsigaaq
januaarip 25-at 2006 04:48
Siorna nunarsuarput kiassimaqaaq, amerikamiullu avataarsualiartitseqatigiiffia NASA tusarliussivoq, nunarsuarput oqaluttuarisaanermi aatsaat taama kiatsigisimasoq. Issittumi kiatsissimaneq malunnarnerusimalluni.
NASA-lli taama ilismatitsissutaani nunarsuatsinni silaannaap kissakkiartornera eqqaaneqanngilaq, erseqqissaatigineqaporli, nunarsuarput ukiuni kingullerni tallimani ukiumut agguaqatigiissillugu naatsorsuigaanni, asseqanngitsumik kiattarsimasoq.
