Nunarput VM-imut annguppoq
Kalaallit arnat assammik arsartartut ullumi sapaammi VM-imut anngunniulluni Canadamut unamminerminni 17-15-imik ajugaapput, taamaalillutillu novembarimi decembarimilu nunarsuarmi pissartanngorniunnissammut peqataasussanngrput.
Nunarput aamma anngunniulluni unamminermi siullermi Canadamut aqqanilinnik målerluni ajugaavoq.
Arsaqatigiimmi ataasiinnaat kisimik nunarsuarmi pissartanngorniunnissamut ingerlaqqittussaapput, Canadamut ajugaanerup saniatigut nunarput aamma Mexicomut, Cubamut USA-mullu ajugaavoq.
Tassallu maanna paasinarsivoq nunarput ingerlaqqittussanngortoq, taamaalillunilu nunarsuarmi arnat assammik arsallaqqinnerpaat akornanni Danmarkimi pisussami Danmarkimut, Norgemut Sverigemullu unammisussanngorluni.
Nunattami unamminerit tamaasa ajugaaffigai.
Sapaammi inernerit
Kalaallit Nunaat - Canada 17- 15 (anngunniutivinneq)
Mexico – Cuba 29 - 27 (bronzennanniunneq)
Kalaallit Nunaata VM-mut anngunniunnermut ajugaaffigisai
Mexico – Kalaallit Nunaat 22-24
Kalaallit Nunaat - USA 27-12
Cuba – Kalaallit Nunaat 19-25
Kalaallit Nunaat - Canada 30-19
