Nunarput Tivolimi ullumi aallartissaaq
![](/sites/default/files/styles/image_934x467/public/article_images/tivoli_skilt_630_0_0_0.jpg?itok=RnUNux1X)
Nunatta avataani kulturikkut pikialaarfiit annersaat, ukiut tamaasa kalaalerpassuarnit nunatsinnillu allatigut attuumassuteqartunit ornigarneqartarpoq, ikinngutit ilaqutariillu nipilersortunik tusarnaariarlutik kulturikkullu aaqqissuussanut peqataajartorlutik Tivolimi katersuuttarput.
Ukiormannalu pisussat nuannerunaqaat:
Meeqqat inngernermik sammisaqartinneqassapput, Ida Heinrich Josef Josefsenilu operamik erinarsussapput, erinarsoqatigiit Ingeratsiler Aavaallu tusarnaartitsissapput, filmi uulikulaammernartuliaq 'Qaqqat Alanngui' takutinneqassaaq kiisalu kalaallit avantgarde-rockimik nipilersortartut Torluut!, poprockertartoq Jenseeraq minnerunngitsumillu tusarnaartitsiutigalutik isiginnaartitsisartut Qullissara tusarnaartitsissallutik.
Ullumi juulip 31-iani pisussanut pilersaarut aajuna:
11.00 Nunatsinneersunik tuniniaaviit - Plænenimi Glassalenimilu
14.15 Tikilluaqqusineq – Plænenimi
14.30 Erinarsoqatigiit Inngeratsiler – Pantomimeteaterimi
15.00 Meeqqanut inngernermik workshopertitsineq – Harmonipavillonimi
16.45 Ida Heinrich operamik erinarsortoq– Harmonipavillonimi
18.30 Erinarsoqatigiit Aavaat - Pantomimeteaterimi
19.00 Tikilluaqqusineq - Plænenimi
19.10 Rockertartut Torluut! – Plænenimi
19.30 Filmi ersinartulersaarut ”Qaqqat Alanngui” kingoralu oqaloqatigiinneq – Glassalenimi
20.15 Rockertartoq Jenseeraq – Plænenimi
21.15 Tusarnaartitsiutigaluni isiginnaartitsineq Qullissara - Plænenimi
22.45 Ullormut qujanaq - Plænenimi