Kuupik: Nunarput siulliuniartariqarpoq
Nunatta tuluit nunaannut aalisakkanik qalerualinnillu niuernera ingerlaannassappat iliuuseqartoqartariaqartoq tuluit nunaanni qinersisoqarnerani malinnaasoq Kuupik V. Kleist oqarpoq.
- Nunatsinninngaaniit eqqumaffigeqqissaartariaqarparput aammalu kingusinaarnaveersaarluta tuluit nunaanni isumaqatigiissusiornissaq aalluttariaqarparput, Nunatsinniit avammut niuertoqareeraluartoq, tuluit nunaat EU-miit anippat niuerneq nutaaq aallartissasoq taanna isumaqarpoq:
- Tuluit Nunaat ilaat nunat ataasiakkaat isumaqatigiinniarfigisussaavai tassanilu nunatsinninngaaniit siulliuniuttunut immaqa ilaasariaqarnerput taanna saneqqunneqarsinnaanngissoraara, tamakkulu eqqumaffigineqartariaqaraluartut Kuupik V. Kleist isumaqarpoq. Nunatta Tuluit nunaannut niuernera nunatsinnut annertugaluartoq, Tuluit tungaanniit isigissagaanni pisiffigisartakkanut annerpaanut ilaanngilagut, tamannalu pissutaalluni nunarput siulliunianngippat nunanut allanut niueqateqaleratarsinnaanera qularnanngitsoq Kuupik V. Kleistip ilanngullugu oqaatigaa. taamaammallu...
- Tuluit nunaanniititsisariaqaraluarpugulluunniit ataavartumik alapernaatsumik taavalu ilaa periarfissat ammarneqaraangata iliuuseqarsinnaasumik, Tuluit Nunaanni qinersisoqarnerani malinnaasoq Kuupik V. Kleist KNR-mut taama oqarpoq.