Nunarput pillugu oqaaseqartartussat inissereerput
Konservatiivit partiiat sinnerlugu, siornatigut nunanut allanut ministeriusimasoq, Per Stig Møller Kalaallit Nunaat pillugu oqaaseqartartunngorpoq.
Liberal Alliance sinnerlugu Kalaallit Nunaat pillugu oqaaseqartartutut toqqarneqarpoq, Villum Christensen.
Villum Christensen qinersiviup kingulliup naannissaata tungaanut aamma Kalaallit Nunaat pillugu oqaaseqartartuuvoq.
Liberal Alliance qinersinermi kingullermi folketingemi ilaasortaatitaat marloriaammik amerlipput.
Danske Folkeparti aamma partii Venstre kalaallit Nunaat pillugu oqaaseqartartussaminnik suli toqqaasimanngillat.
Partiit saamerliunerusut oqaaseqartitagaat, naalakkersuisunngortitsinissamut
tunngavissat inissippata, naalakkersuisullu nutaat toqqarneqarpata, pisortatigoortumik nalunaarutigineqassapput.