Nunarput pillugu ilisimasat nutaat EU-mut apuuppai

Jens B. Frederiksen ilisimasassarsiorneq ineriartortitsinerlu pillugit isumasioqatigiittoqarnerani pingaarnertut oqalugiaatigai. Oqalugiarneq Europa Parlamentimi pivoq.

- Ataatsimiigiarnermi pingaaruteqarpoq inuit paasitissallugit Kalaallit Nunaanni pissutsit qanoq ittuunersut. Europami inuit Kalaallit Nunaat pillugu ilisimasaat killeqartorujussuupput. Ukiuni tulliuttuni aalisarnermut ilinniartitaanermullu tunngasunut isumaqatigiinniartussaavugut, isumaqatigiinniarnerit aallartinnginneranni Kalaallit Nunaat pillugu paasititsiniaaqattaarpugut.

Jens B. Frederiksen oqarpoq.

Kalaallit Nunaat EU-mit ukiumut 330 mio. kr.-ninnattarpoq, aningaasallu ilinniartitaanermut annerusumik atorneqartarput.

Kalaallit Nunaata EU-mit aningaasannattarnera isumasioqatigiinnermi isumaqatiginninniutigineqarpoq, tunniunneqartartulli amerlineqarnissaat Jens B. Frederiksenip ilimaginngilaa.

- Ilimaginngilara annertusarneqarsinnaasoq, soorunami taanna ujartorniarsarissavarput. Maannakkulli pingaaruteqartuuvoq Kalaallit Nunaannut tunniunneqartartut appartinneqannginnissaat. Taamaammat isumaqarpugut una angalaneq pingaaruteqartuusoq, oqarpoq.

Jens B. Frederiksenip EU-mi atorfilittat Kalaallit Nunaannukaqquai, qanoq inuusoqarnersoq takuniassammassuk.

Kajumissaareqattaarpugut atorfillit Kalaallit Nunaannut tikinnissaat. Taamaalinikkut pissutsinut eqqoriaaginnarnatik nunatsinni pissutsit takuniassammassuk.

Han fortæller ligeledes, at der på seminaret især blev talt om Nordvestpassagen, Grønlands vandkraftsenergi og mulighederne for udnyttelse af råstoffer.

Jens B. Frederiksenip saniatigut Københavnip Universitetiani professor Minik Rosing aamma uuliasiortitseqatigiiffiup Cairn Energyp Kalaallit Nunaanni misileraanerani pisortaq Simon Thomson oqalugiartuupput.