Nunarput pillugu ataatsimiititami ilaasortat ataatsimeeqqilerput
Ataatsimiinnerit siornatigut, Kalaallit Nunaani juulimi ingerlanneqartoq aammalu New Yorkimi septemberimi ataatsimiinneq ingerlanneqartoq malitseqartinneqassapput, ataatsimiinernilu taakkunani ministerit oqaloqatigiillutik naapittarput.
Ataatsimiinnermi nunat assigiinngitsut 30-t peqataatitaqassapput. Ministerit, silap pissussaa pillugu immikkut oqartussaasut aamma nunat assigiinngitsut sinniisaat ataatsimeeqataassapput. Ilaatigut Kina-mit, USA-mit, Brasiiliamit Sydafrikamit Japanimit, aammalu nunat EU-mi ilaasortat sinniisaat ataatsimiinermi peqataassapput, taamatullu naalagaaffiit qeqertaaqqanit pisut sinniisaat peqataassallutik.
Silap pissusaa pillugu oqallittarfimmi naalakkersuinikkut piumassuseqarneq pisortatigoortumik naaalagaaffiit peqatigiit silap pissusaa pillugu isumaqatigiinniarnissamut iluaqutaanissaat neriuutigineqarpoq.
Silap pissussaa pillugu naalagaaffiit peqatigiit isumaqatiginniarnerat ataasinngorpat aallartissaaq novemberillu ulluisa arferngata tungaanut ingerlanneqassalluni.
Isumaqatiginniarneq ammarlugu qallunaat avatangiisinut nukissiuuteqarnermullu ministeri, Connie Hedegaard oqalugiassaaq. Naalagaaffiit Peqatigiit silap pissusaa pillugu Københavnimi ataatsimeersuartitsinissaa sioqqulugu isumaqatiginniarneq kingullerpaaq ataasinngorpat aallartissaaq.