Issinnerpaaneranik rekorti Sermersuup qatsinnerpaaffiani uuttortaaviup Summitip eqqaani uuttortarneqarsimavoq. Asseq toqqorsivimmit.Assi: Lars Demant-Poort

Nunarput nunarsuup avannarpasinnerusortaani issinnerpaaffiusimasoq

Issinnerpaanermut rekorti Sermersuarmi uuttortaavitoqqami Klickimi ukiut 30-t matuma siorna uuttortarneqarsimavoq.

Issinnerpaasumik 1991-imit uuttortaasoqarsinera ullumikkut nutaarsiassavoq.

Eqqumiippa? Immaqa, taamaakkaluartoq ilumoorpoq.

Nunarsuup affaani avannarlermi 69,6-inik ississimanera uuttortarneqarsimasuni issinnerpaavoq. Tamanna 1991-imi decembarip ulluisa 22-anni uuttortagaavoq.

Ullumikkulli sooq nutaarsiassaava?

- Rekortimi pisoqaangaatsiarpoq, DMI-imi silap pissusia pillugu immikkut ilisimasalik, John Cappelen oqarpoq.

- Qangali pisimasut pillugit paasissutissanik naliliiffigineqartussanik ilaannikkut takkuttoqartarpoq, taanna oqarpoq.

Sermersuup portunerpaaffiani uuttortarneqartoq

Issinnerpaaneranik uuttortaasimaneq uuttortaavinnit nammineq ingerlasunit ilisimatusarnermut 1990-ikkunni atorneqarsimasunit paasissutissat misissorneratigut paasineqarpoq.

Immikkut ilisimasallit issinnerpaasimaneranut uuttortaaneq misissorpaat, tamannalu uuttortarneqarsimasuni issinnerusoqarsimanngitsutut akuerineqarsinnaanerarpaat.

Sermersuup qatsinnerpaaffiata, Summitimik taaguuteqartup eqqaani 70-ingajannik issitsigisimanera uuttortarneqarpoq. Issinnerpaasimanermillu uuttortaaneq Klickimik taaguuteqartumit nammineerluni uuttortaasartumit, 3105 meterisut portutigisumiittumit uuttortarneqarpoq. Taanna Sermersuarmi qatsinnerpaavoq.

- Sermimi 90-ikkut aallartinneranni qillerinernut atatillugu uuttortaaviit arlallit sananeqarput. Uuttortaaviit ilaatigut Mattimik Julymillu ateqarput. Kiisalu uuttortaavinni Klickimik ateqartoqarluni. Uuttortaaviit paasissutissat attaveqatigiittut aqqutigalugit University of Wisconsinimut nassiussuisarput, John Cappelen oqarpoq.

69,6-imik issitsigisumik uuttortaasimanerup maannamut rekorti tassalu Ruslandimi 67,8-nik issinneranik uuttuisimaneq qaangerpaa.

- Silap pissusiata allanngoriartornerata oqallisigineqarnerani kiannerpaasutut uuttortaanerit nutaat ukkatarineqartorujussuupput. Una nillernerpaatut uuttortaaneq nutaaq nunarsuatsinni akerliunerungaatsiatoqarneranut malugititsissutaasinnaavoq, John Cappelen oqarpoq.

Nunarsuatsinni issinnerpaaq Sikuiuitsoq Kujallermi uuttortarneqarnikuuvoq, tassani 89,2-nik issippoq. Taannalu 1983-imi juulip ulluisa 21-anni uuttortarneqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat